Persónuvernd

Uppfært 14. september 2026

Þessi síða lýsir því hvaða persónuupplýsingum er safnað á vef Rafmagnsverkstæðis Andrésar ehf., hvers vegna, hve lengi þær eru geymdar og hvaða réttindi þú átt. Ábyrgðaraðili er Rafmagnsverkstæði Andrésar ehf., kt. 601202-2470, Strandgötu 24a, 735 Eskifirði.

Hverju er safnað

Aðeins því sem þú sendir okkur sjálf(ur) í gegnum fyrirspurnareyðublaðið. Við notum hvorki rakningarkökur, greiningartól né auglýsinganet, og vefurinn sækir ekkert efni til þriðja aðila — letur og forritasöfn eru hýst á okkar eigin þjóni.

Upplýsingar	Nafn, netfang, símanúmer, erindi og mynd ef þú velur að senda hana
Tilgangur	Að svara fyrirspurninni og meta verkið
Heimild	Lögmætir hagsmunir við að svara þeim sem hefur samband
Geymslutími	12 mánuðir, svo eyðist sjálfkrafa
Móttakendur	Starfsfólk Rafmagnsverkstæðis Andrésar. Engum gögnum er miðlað til þriðja aðila
Staðsetning	Á vefþjóni innan Evrópska efnahagssvæðisins

Myndir sem þú sendir

Myndir eru endurunnar við móttöku: þær eru minnkaðar og vistaðar á nýju sniði. Við það eyðast öll lýsigögn sem sími setur sjálfkrafa í myndir — þar á meðal GPS-hnit. Við geymum því ekki hvar myndin var tekin, jafnvel þótt síminn þinn hafi skráð það.

Tæknilegar upplýsingar

Vefþjónninn skráir IP-tölu með hverri fyrirspurn. Hún er notuð til að hindra sjálfvirkt ruslpóstsflóð og til einskis annars. Vafrakökur eru aðeins notaðar til að halda innskráningu starfsfólks í innri vef; almennir gestir fá enga köku.

Réttindi þín

Að fá aðgang að þeim upplýsingum sem við geymum um þig
Að fá þær leiðréttar ef þær eru rangar
Að fá þeim eytt — við eyðum þeim strax og án skilyrða
Að andmæla vinnslunni
Að leggja fram kvörtun hjá Persónuvernd

Sendu tölvupóst á rafesk@rafesk.is eða hringdu í 476 1500. Við svörum innan mánaðar, oftast samdægurs.

Breytingar

Ef þessari yfirlýsingu er breytt birtist ný dagsetning efst. Fyrri útgáfur eru geymdar og hægt er að fá þær sendar.